اسلام آباد۔24مئی (اے پی پی):وزی?? مملکت آئی ٹی شزہ فاطمہ دی صدارت اچ یو ایس ایف، اگنائٹ دی پالیسی کمیٹیاں دے انڄ انڄ اجلاس تھئن جنہاں اچ یو ایس ایف سانڳے چوتھی سہ ماہی دا بجٹ 4.7 ارب ، اگنائٹ سانڳے 318.88 ملین روپے جاری کرݨ دی منظری ݙتی ڳئی ۔وزی?? مملکت شزہ فاطمہ فنڈز دے استعمال اتے منصوبے مقرر ویلھے اچ مکمل کرݨ دی ہدایت کیتی ۔ وزارت انفارمیشن ٹیکنالوجی و ٹیلی کمیونیکیشن توں جاری بیان موجب وزی?? مملکت آئی ٹی و ٹیلی کمیونیکیشن شزہ فاطمہ خواجہ دی صدارت اچ یونیورسل سروس فنڈ (یو ایس ایف) دے 49 ویں پالیسی کمیٹی دا اجلاس وزارت آئی ٹی دے کمیٹی روم اچ تھیا ۔اجلاس اچ سیکرٹری آئی ٹی کیپٹن (ر ) محمد محمود وی موجود ہن ۔اجلاس اچ یو ایس ایف کمپنی سانڳے اڄوکے مالی سال دی چوتھی سہ ماہی دا بجٹ 4.7ارب روپے جاری کرݨ دی منظوری ݙتی ڳئی ۔ اجلاس اچ یو ایس ایف دی طرفوں جاری پراجیکٹس بارے بریفنگ وی ݙتی ڳئی ۔ وفاقی وزیر آئی ٹی و پالیسی کمیٹی چئیرمین شزہ فاطمہ کوں ݙسایا جو اڄوکے مالی سال اچ یو ایس ایف دے کل جاری منصوبے 33 ہن جنھاں اچ 23 فور جی اتے 10 آپٹیکل فائبر کیبل (او ایف سی) دے پراجیکٹس شامل ہن۔ایں توں انڄ وزی?? مملکت آئی ٹی شزہ فاطمہ خواجہ اگنائٹ دے 43 ویں پالیسی کمیٹی اجلاس دی صدارت وی کیتی۔ اجلاس اگنائٹ سانڳے مالی سال 24۔2023 دی چوتھی سہ ماہی سانڳے 318.88 ملین روپ?? دا بجٹ جاری کرݨ دی منظوری ݙتی ۔
